Para ini sa mga makasabot hung:
- Ang bayho sadto, amurang apek
- Pagkaaslag na lang haong buli mo
Kada-uli ko hung Butuan, nagakadakwa ang siyudad.
Ebidinsya siguro iton hung pag uswag hung siyudad nato.
Madiyaw iyan...
Pero, mas madiyaw guid nga mientras ga uswag ang siyudad,
gimantinir ta isab ang atong pagkabutuanon.
Kada uli ko, halos tanan nga
magaka-kit-an ug magakaistorya ko, binisaya na.
Di na pareho hadtong sa una nga panahon, nga duro
pa ang mangyat magbinutuanon. Duon, tilaw na lang
guid ang maistorya ko hung binutuanon. Diin na ba mikadto
ang mga mangyat magbinutuanon? Diin na ba kamo
mipaiyan? Yaon pa kamo Butuan? Misipog na kamo mag
binutuanon?
Kuntana, ang mga eskuwelahan ta, motudlo sab kuntana
hung binutuanon para ang mga bata, magkangyat isab.
Ngansi di ba puede dungangan hung "Binutuanon" ang
curriculum?
Ngan ba'y puede mahinang hung mga
pareho ko nga mo-supporta haon nga ideya?
Yaon pa ba'y iban disaon nga mo-supporta
hani?
